Monday, February 25, 2013

မလေးရှားမှ ကြားဝင်ခဲ့ခြင်း (သစ္စာမရှိသောမိန်းမနှင့် စည်းမရှိသောယောင်္ကျား)

Facebook ထဲဝင်ကြည့်ရင်းမှ ညီမလေး တဦးရေးထားသော သစ္စာမရှိသောမိန်းမနှင့် စည်းမရှိသောယောင်္ကျားတို့ ဖေါက်ပြန်ကြသည်ဆိုသောစာသားလေးကို တွေ့ ၍ ကျမကိုယ်တွေ့ မြင်သိခဲ့ရသောအဖြစ်အပျက်လေးတခုကို ပြန်လည်တင်ပြခြင်းဖြစ်ပါသည်။ ကျမအလုပ်သမားလိုလျှင်သွားရှာနေကြ ကပုန်းမှ မြန်မာလက်ဘက်ရည်ဆိုင်နားတွင်ဖြစ်ပါသည်။ ဗမာလူမျိုး အမျိုးသားနှင့် ဖိလစ်ပိုင်အမျိုးသမီးတဦး တို့ အတူတကွနေထိုင်ကြပြီး သားယောင်္ကျားလေးတယောက်မွေးဖွားထားသည်မှာ သုံးနှစ်ကျော်ခန့် ရှိပါပြီ။ သူတို့ အိမ်ထောင်သက်ဘယ်လောက်သက်တမ်းလဲခန့် မှန်းကြည့်လျှင်သိနိုင်ပါသည်။ နောက်တစ်စုံတွဲက ဗမာအမျိုးသားနှင့် အင်ဒိုနီးရှားအမျိုးသမီးတယောက် အတူတကွနေထိုင်ပြီး သမီးလေး တယောက်မွေးဖွားထားသည်မှာ တစ်နှစ်ကျော်ကျော်ခန့် ရှိပါသည်။ သို့ သော် ခလေးအားမွေးဖွားပြီး ခြောက်လခန့် တွင် အင်ဒိုနှီးရှားသို့ ပြန်ပို့ လိုက်ပြီဖြစ်ပါသည်။  ဖ မဟုခေါ်သော ဖိလစ်ပိုင်မက သူ၏ခလေးအား သူမိဘများထံသို့ ပြန်ပို့ ရန် အတွက် ဖိလစ်ပိုင်သို့ ပြန်သွားပါသည်။ ထိုအချိန်တွင်ပင် အင်ဒိုနီးရှားကိုယူထားသော ဗမာ အမျိုးသားက လည်း မြန်မာပြည်သို့ ပြန်သွားခဲ့သော အချိန်ကာလဖြစ်ပါသည်။ ဖ မကိုယူထားသောဗမာတွင် မလေးရှားနိုင်ငံထုတ် Tico ဟုခေါ်သော ကားသေးလေးကို စက်ရုံမှပေးထားပါသည်။ သူက မိန်းမနှင့်ခလေးပြန်သွားသောကြောင့် စက်ရုံတွင်ပင် နေထိုင်ပါသည်။ သို့ သော် အလုပ်ပြီးချိန်တိုင်းတွင် သူသည် ဗမာများနေထိုင်သောအိမ်သို့ ကားလေးနှင့် လျှောက်လည်တတ်ပါသည်။ ထိုသို့ နှင့်သုံးလခန့် ကြာသောအခါ သူသည် အ မနေထိုင်သောအိမ်တွင်သာ ရေချိုးခြင်း ထမင်းစားခြင်းများကို ပြုလုပ်နေပါပြီ။ အ မကလည်း သူမလာလျှင်စက်ရုံသို့ လိုက်နေပါပြီ။  သို့ သော် ညအိပ်ချိန် စက်ရုံသို့ ပြန်အိပ်ပါသေးသည်။ အ မနှင့်အတူနေသော ဗမာများ ကလဲ စက်ရုံမှ ပေးသောအိမ်သို့ ပြောင်းနေသောကြောင့် အ မကလဲတယောက်ထဲဖြစ်နေပါသည်။ သူတို့ နှစ်ယောက်အတွက် အစစ အရာရာ ဖေါက်ပြန်ရန်အတွက် ရေကန်အသင့်ကြာအသင့်နှင့် အခြေအနေက ပေးနေပါပြီ။ သစ္စာမရှိသောမိန်းမနှင့် စည်းမရှိသောယောင်္ကျားတို့ ဖေါက်ပြန်နေ ကြပါသည်။ ထိုသို့ သောအနေအထားတွင် ကျမကြားဝင်ခဲ့ပါသည်။
ကျမ ဖ မထံသို့ ဖုန်းဆက်၍ အမြန်ပြန်လာသင့်ကြောင်း သူမ၏သူဌေးအိမ် နှင့် အေးဂျင့်သို့  သွားရောက်ခြင်း များကို ပြုလုပ်ပေးခဲ့ပါသည်။  ကျမပြုလုပ်ပေးခြင်းမှာ ခလေးများမျက်နှာကို ကြည့်၍ မိစုံဖစုံ အတွက်ကူညီပေးခဲ့ခြင်းပါ။  တစ်လခန့် အကြာတွင် ဖ မပြန်ရောက်လာပါသည်။ ထိုသူက နှစ်ယောက်ပေါင်း ပေါင်းမည် ဟုပြောပါသည်တဲ့။ ဖ မက သူ့ အမျိုးသား သွားရာနောက်တကောက်ကောက်လိုက်ခြင်းဖြင့် ထိမ်းသိမ်းလိုက်သော်လည်း မြန်မာပြည်ပြန်သွားသော အ မ၏အမျုိးသားကတော့ ထိုအကြောင်းများကို ကြားပြီး မြန်မာပြည်မှပြန်မလာတော့သောကြောင့် အ မပါမစ်သက်တမ်းကုန်သည်အထိအလုပ်လုပ်၍  အင်ဒိုနီးရှားသို့ ပြန်သွားပါသည်။ ကျမရှိနေစဉ်တွင်ပင် ကြားရသည်ကတော့  ဟောင်ကောင်သို့ အိမ်ဖေါ်သွားလုပ်သည်ဟုသိခဲ့ရပါသည်။ နောက်ဆုံးကောက်ချက်ချမိသည်က မိန်းမများသစ္စာမရှိလျှင် ယောင်္ကျားများက ခွင့်မလွှတ်ပါ။ ယောင်္ကျားများဖေါက်ပြန်လျှင် မိန်းမများ ကသာလျှင် ခွင့်လွှတ်ကြပါသည်ဟု.............................။

2 comments:

စံပယ်ချို said...

သူငယ်ချင်းရေ အဲလိုမျိုးအဖြစ်လေးတွေက ခုလက်ရှိ
ဂျက်တို့နားမှာတောင်အများသားပဲ ဘယ်လိုပြောရမှန်းတောင်မသိတော့ပါဘူးလေ
သူအပင်တော့ တချိန်မှာ သူရိတ်ရမှာပါပဲနော်

yee lin said...

သူငယ်ချင်းရယ် တမိသားစုတော့ပြန်အဆင်ပြေသွားတယ်ပေါ့နော် ဘာဘဲဖြစ်ဖြစ်တော့ ကိုယ့်လုပ်ရပ်က ကူညီခြင်းတမျိုးမည်ပါတယ်နော်