Friday, March 22, 2013

မလေးရှားမှ ကုသိုလ်


ကျမ မလေးရှားမှာနေစဉ်က နေ့ စဉ်နေ့ တိုင်း နံနက်ခြောက်နာရီထိုး အလုပ်သမားများအလုပ်သွားသည်နှင့် ဆန်လေးဘူးခန့် ကို အိမ်ရှေ့ တွင်ကြဲချထားလိုက်ပါသည်။ စာကလေးများကိုအစာကျွေးခြင်းပါ။ ဆန်ကီလို ငါးဆယ် ၀င်အိတ်ကြီးတအိတ်ကို တပတ်(သို့ )ခြောက်ရက်ခန့် သာကျွေးရပါသည်။ အလွန်တရာကြည်နူးဖွယ်ကောင်းသော မြင်ကွင်းလေးကို အစာကြဲပြီးချိန်တိုင်း အိမ်ထဲမှ ကြည့်နေမိပါသည်။ စာကလေးများဆူညံစွာနှင့် အစာကိုစားနေသောမြင်ကွင်းက ကျမအတွက် တသက်မမေ့နိုင်စရာပါ။ ဆန်ကုန်သွား၍ မချမိပါလျှင် ဆူညံစွာအော်နေတတ်ပါသည်။ ကုန်တိုင်းချပေးထားပြီး ညနေသူတို့ အိပ်တန်းတက်ချိန်နီးမှ မချတော့ပါ။ သူတို့ ကိုနေ့ တိုင်းကျွေးနေသောကြောင့် နေရောင်ထွက်ပြူစအချိန်ရောက်သည်နှင့် ကျမအိမ်ရှေ့ ဓါတ်ကြိုးတွင် တန်းစီစောင့်ဆိုင်းနေကြသည်။ ကျမ၏ ဘေးအိမ်တွင်နေသော တရုတ်မကပြောပါသည်။ သူတို့ အိမ်က အ၀တ်တွေပေါ်ချီးပါချပါသည်တဲ့။ သူမပြောသည်မှာမှန်ပါသည်။ ကျမအိမ်အစာလာစားလျှင် ကျမအိမ်၌ သာနားသည်မှ မဟုတ်တာ။ အိမ်နီးနားချင်းများအိမ်များ၌လည်းနားပါသည်။ ထို့ အတွက်ကြောင့် ကျမခြံ၏ အလယ်ကောင် တည့်တည့် တွင်သာဆန်ကိုချပေးထားပါသည်။
ကိုယ့်ကြောင့်သူများကိုမထိခိုက်စေချင်သောကြောင့်နှင့် ကျမ၏ကုသိုလ်သည် သူများအတွက် အကုသိုလ်ဖြစ်နေမှာစိုးသောကြောင့်ဆင်ခြင်လိုက်ခြင်းပါ။ သူတို့ ကတော့ဘာမှမသိရှာပါ။ အစာချလျှင်စားမည်။ အစာမရှိလျှင် အော်ပါမည်။ ထိုသို့ နှင့် မလေးရှားနေထိုင်စဉ် သက်တမ်းတလျှောက် နေ့ စဉ်ပြုမြဲ ဒါန ပြုလုပ်ခဲ့ပါသည်။

Wednesday, March 13, 2013

နန်းရှင်ဖြစ်တည်လာသောရပ်ဝန်း

https://www.facebook.com/pages/%E1%80%94%E1%80%94%E1%80%B9%E1%80%B8-%E1%80%9B%E1%80%BD%E1%80%84%E1%80%B9/564047433624843?ref=hl

နန်းရှင် · by နန်း ရှင် · August 16, 2011

ဘ၀ရဲ့နှောင်ကြိုး



သောက ရပ်ဝန်းထဲကချစ်ကြိုးတွေကို ဖြတ်တောက်လွတ်မြောက်ချင်ပေမယ့်ငါ့နှလုံးသားမှာသံယောဇဉ်တွေ တရစ်ပြီး တရစ်ရစ်ပတ်နှောင်ဖွဲ့ အို  ပြေးမထွက်ရဲပါ ။ ငါ့အတ္တဟာ ငါ့ရင်ကို ပြန်လောင်ကျွမ်းမိုးလိုရွာနေတဲ့ အနမ်းတွေလည်းသက်မဲ့တခုလိုရင်မှာခံစားလောင်ကျွမ်းသွားတဲ့ နှလုံးသားအစုံကိုကြေကွဲစွာ ငေးကြည့်နေမိတယ်  အထပ်ထပ် လွှမ်းခြုံခံထားရတဲ့သောကတွေကြားက  အတ္တတွေ တခုပြီး တခုမွေးဖွားသံယောဇဉ်တွေနဲ့  ယက်လုပ်ထားတဲ့ဒီ အတ္တတွေဟာခါးသက်တဲ့ဘ၀အတွက်ထွက်မပြေးရဲတဲ့ဘ၀ရဲ့ နှောင်ကြိုးတွေပါလေ  ။   ။

                      ၁၃ ၊ ၈ ၊ ၁၁
(၃၈)နှစ်ပြည့် အမှတ်တရ ရေးဖွဲ့ ခြင်း
ခိုင်လင်း(မေဃ၀တီ)

နန်း ရှင်
 နန်းရှင်၏ ဖခင်  မြသန်းလင်း (ကဗျာဆရာ)
နန်းရှင်၏မွေးသမိခင် 
 

Monday, March 11, 2013

ရယ်စေချင်လို့ပါ



  • နန်း ရှင်
    အကြံပြုတိုက်တွန်းချက်အား အလွန်လေးစားစွာ လက်ခံထားပြီးပါပြီ။မကြာခင် တင်ပြလိုက်ပါ့မယ်...ကျေးဇူးပါနော်....။
    ကြောက်လို့ လားလို့ မေးရမလိုဖြစ်နေပြီ။
    ဒီနေ့ ကမ္ဘာ့ကဗျာနေ့ ကျင်းပတယ်။၂၁ရက်နေ့ မှာ မအားလို့ ဒီနေ့ မှ ကျင်းပဖြစ်တယ်။တခြားလူတွေမအားကြလို့ ကျနော်နဲ့ ညိုထက်(လမ်းသစ်ဦး)
    နှစ်ယောက်ပဲ အခန်းနားကိုတက်ပြီး နှစ်ယောက်ထဲကျင်းပတယ်။လူမစည်ကား
    ပေမဲ့ အရမ်းကို ခမ်းနားတဲ့ ပွဲတစ်ခုပါ။
    တိုင်းပြည်ကနုနု မုန်တိုင်းကထန်ထန် ဆိုတဲ့အတိုင်း အခုထိမရင့်ကျက်နိုင်သေးသလို မုန်တိုင်းတွေကလဲ ထန်သည်ထက် ထန်နေပါ့ပဲ။
     သတွါခပ်သိမ်းတရားကိန်း အေးငြိမ်းချမ်းသာရှိပါစေ။ 

Tuesday, March 5, 2013

မလေးရှားမှ သံဝေဂ

သူမ မလေးရှားရောက်တော့ လူခံမရှိတော့ အရမ်းကို ဒုက္ခရောက်ခဲ့ရတယ် သူမကို ပို့ တဲ့ပွဲစားက အခုနေတဲ့အိမ်ကို ပို့ ပေးတယ် အဲ့ဒီအိမ်နားက မြန်မာထမင်းဆိုင်မှာ အလုပ်လုပ်တယ် ပန်းကန်ဆေးပါ တလကို လေးရာ့ငါးဆယ်ရတယ် သူမအဲ့ဒီအိမ်က အမျိုးသားနဲ့  အတူတူနေခဲ့တယ် သူမက ထိုင်းစကားပြောတတ်တယ် ထိုင်းမှာလဲကြာခဲ့တယ် သူမတို့ နှစ်ယောက်ပေါင်းပြီး ကြိုးစားမယ်လို့ စိတ်ကူးလိုက်တယ် အခုမှသူမ ယောင်္ကျား နှစ်ယောက်ဘဲရှိသေးတယ် လို့ ကျမမြန်မာထမင်းဆိုင်ရောက်တော့ပြောပြခြင်းခံရတာပါ အဲ့ဒါနဲ့ ဘဲ မေ့မေ့ပျောက်ပျောက်နေလိုက် တယ် ကျမတခါတလေမှာ မြို့ ထဲသွားတဲ့အခါ ငွေလွှဲသွားတဲ့အခါတွေမှာ ကြုံမိတယ် ခလေး လေးတယောက်ကို ပိုက်ပြီး ရွှေတွေဝတ်ထားတာမှ တပုံကြီး ပြုံးပြနှုတ်ဆက်လိုက်မိတယ် အဆင်ပြေလားလို့ မေးစရာမှမလိုတာ သူ့ မှာဝတ်ထားတာအပြည့်နဲ့ ဆိုတော့လေ တခါက ဆိုင်ကယ်သွားဝယ်တဲ့နေရာမှာ သူမကိုတွေ့ လိုက်တယ် ပြီးတော့ စကားပြောဖြစ်ကြတယ် အဲ့ဒီအချိန်မှာ သူမရဲ့ စကားတွေက အရမ်းကို မြင့်နေပါတယ် ရဲတွေကို ဘယ်လိုပိုင်ကြောင်း ဘယ်သူတွေအဖမ်းခံရလို့ သူမက လိုက်ရွေးပေးရကြောင်း သူမဘယ်နေရာရောက်ရောက် အဆင်ပြေကြောင်း သူမပြောသမျှကို ပြုံးပြုံးလေးနားထောင်ပြီး  ဆိုင်ကယ်ကိစ္စပြီးတာနဲ့ ပြန်ဖြစ်ခဲ့တယ် အဲ့ဒါနဲ့ ဘဲ အချိန်တွေတော်တော်ကြာသွားပါပြီ ကျမကို သူမနဲ့ သိတဲ့ လူတယောက်က လာပြောပြတာပါ သူမနဲ့ သူမယူထားတဲ့ယောင်္ကျား မူးယစ်ဆေးရောင်းပြီး အဆင်ပြေကြတာတဲ့  ခလေးလေး ကိုဗန်းပြပြီး ခလေး အနှီးထဲမှာ ရေခဲလို့ ခေါ်တဲ့ ဘိန်းတွေထည့်ရောင်းတယ်တဲ့ ချမ်းသာလိုက်တာမှ မြန်မာပြည်က မိဘတွေကိုလဲ ပြန်ပို့ နိုင်ခဲ့တယ် ရဲတွေကိုလဲ ပိုက်ဆံပေးပြီး အိတ်ထဲထည့်ထားနိုင်ခဲ့တယ်တဲ့ ပြီးတော့ သိပ်မကြာခင်မှာ သူမရဲ့  ကောင်လေးက ဗမာပြည်ပြန်သွားတယ် မလေးမှာကစီးပွားရေး အဆင်ပြေနေတော့ကောင်လေးက ပြန်လာခဲ့တယ် ကောင်လေးမိဘတွေကပြန်မလွှတ်ချင်ကြဘူး မြန်မာပြည်
က ပြန်လာတော့ သူမကို သိပ်ဂရုမစိုက်တော့ဘူး ကောင်လေးက အပြင်သွားရင်းနဲ့ ကောင်မလေးတယောက်နဲ့  ရှု့ပ်နေတယ် ပိုက်ဆံကလဲရေလို သုံးနေတော့ သူလုပ်သမျှဖြစ်နေတာပေါ့ အဲ့ဒါနဲ့ သူမတို့ လင်မယား တကျက်ကျက်ဖြစ်လာကြတယ် သူမက ဆေးတော်တော်စွဲနေလို့  ကောင်လေးက သူ့ မကို အခန်းထဲမှာပိတ်ပြီး ထားလိုက်တယ် ဆေးဖြတ်ခိုင်းတာတဲ့ သုံးရက်လောက်ကြာတော့ ယင်းမထတော့ဘူး အဲ့ဒီတော့မှ တံခါးဖွင့်ပေးပြီး သူမအလုပ်ကို ပေးမလုပ်တော့ဘဲ ခလေးဘဲထိမ်းခိုင်းထားတယ် သူမကလဲလွတ်ပြီဆိုတာနဲ့  ကောင်လေးကို ပစ္စည်းတွေနဲ့  (ဘိန်း) အတူ ရဲ ကိုဖမ်းခိုင်းလိုက်တယ် ကောင်လေး အဖမ်းခံလိုက်ရတယ် ထောင်ကျသွားတယ် သူမ ခလေးတယောက်နဲ့ ကျန်ခဲ့ပြီး ဖြစ်ချင်တိုင်းဖြစ်နေခဲ့တယ် ကောင်လေး က ဆယ်လဘဲကျတာ သူမပြန်လိုက်ပေးလို့ သက်သာသွားတယ် ကောင်လေး ထောင်ကထွက်လာတော့ သူ့ ခလေးကို တောင်းတယ် ပြီးတော့ သူ့ အမေဆီကို မြန်မာပြည်ကို ပို့ လိုက်တယ် ခလေးမှာလဲ HIV ရှိနေတယ် သူမကိုတော့ စီးပွားပြိုင်ဘက်လို သဘောထားပြီးတိုက်ခိုက်တော့တာတဲ့ သူမက ဆေးစွဲသမား ဆေးမရှိရင်မဖြစ်တော့ဘူး ကောင်လေး ကလုံးဝမသုံးဘဲ ရောင်းရုံရောင်းတော့ ကောင်လေးကအရမ်းအဆင်ပြေတယ် ကောင်လေးက သူ့ ပိုက်ဆံသူပိုက်ပြီး မြန်မာပြည်ပြန်သွားတယ် သူမတယောက်ထဲ ဆေးပေးရင်လုပ်ချင်တာလုပ်အနေအထားကိုရောက်သွားတယ် ပြီးတော့ သူမကို ဆေးအမြဲရှာပေးနိုင်တယ်ဆိုတဲ့ယောင်္ကျားတယောက်နဲ့ အတူနေနေတယ် အဲ့ဒီအချိန်မှာ တခါထပ်တွေ့ လိုက်တယ် သူမရဲ့ လက်တွေမှာ ရေယုံတွေပေါက်နေတယ် အကြီးကြီးတွေ အများကြီးဘဲ သူမယူထားတဲ့ယောင်္ကျားက ဆေးလဲရှာပေးတယ် ဆေးလဲကုပေးတယ်တဲ့ ကျမတတ်နိုင်သလောက်ပိုက်ဆံပေးခဲ့သေးတယ် တော်တော်အခြေအနေဆိုးနေပြီ ဒါနဲ့ မတွေ့ မိတော့ဘူး သတင်းကြားတာတော့ ရေယုံတွေပြောက်သွားပြီး ဘိန်း (ရေခဲ)ပြန်ရောင်းနေတယ်တဲ့  ဒါပေမဲ့ ပစ္စည်းချပေးတဲ့သူတွေကို ပိုက်ဆံပြန်မပေးနိုင်လို့ ပြေးသွားရတယ်တဲ့ ပြီးတော့ ရဲဖမ်းခံရပြီး ကမ့်ထဲမှာတင် သေသွားပါတယ်တဲ့


သူမရဲ့  မလေးစရောက်တုန်းကတွေ့ လိုက်ရတာကနေ သေဆုံးချိန်ထိ အကြောင်းအရာများကို သိလိုက်ရတဲ့ ကျမအတွက် သနားပါတယ်လို့ ပြောရမလား မိုက်လိုက်တာလို့ ပြောရမလားတောင် မဝေခွဲတတ်တော့ပါ။ သို့ သော် သူမ၏ဘ၀လမ်းကြောင်းကို ကြည့်၍ သံဝေဂ ရလိုက်မိပါသည်။



Saturday, March 2, 2013

မလေးရှားမှ ဖြစ်ရပ်မှန်

ကျမမလေးရှားရောက်တော့ ပွဲစား ပို့ ပေးသောအလုပ်ရှာပေးနိုင်သောလူအိမ်တွင်နေရပါသည်။ ကျမရောက်သောနေ့ တွင် ကျမရေချိုးရန်အတွက် ရေချိုးခန်းဝင်စဉ်တွင် ထို အလုပ်ရှာပေးသောလူက ဆပ်ပြာခြင်းတောင်းလာပေးပါသည်။ ခြင်းတောင်းဆိုသည်မှာ ခေါင်းလျှော်ရည်ဘူးစသောအစုံအလင် ထည့်ထားသောခြင်းကို                ဆိုလိုပါသည်။      ထိုသူက တံခါးအပေါ် ကပေးသော်လည်း  တံခါးချက်မှာမခိုင်သောကြောင့် တံခါးပွင့်သွားရာ ကျမလဲအလန့် တကြားနှင့် တံခါးကို ပြန်ပိတ်လိုက်ပြီး ဆပ်ပြာခြင်းကို လှမ်းယူလိုက်ပါသည်။ စစခြင်းဆောက်နှင့်ထွင်းခြင်း ဆိုတဲ့စကားကကျမအတွက်များလား။ ကျမ၏မလေးရှား စရောက်ရောက်ခြင်းအဖြစ်အပျက်တခုပါ။ ကျမက အမျိုးသား၏ စပန့် သားအကျီ င်္များကို ယူသွား၍ အောက်ခံအကျီ င်္ကျောအပြည့်နှင့်ဝတ်ပါသည်။ ထိုသို့ ဝတ်စားခြင်းကပင် ထိုသူ၏ မျက်စေ့ကျစရာဖြစ်နေပြန်ပါသည်။ ကျမသွားခြင်းသည် အလုပ်လုပ်ရန်အတွက်ဆိုသော်လည်း ကျမဘာမှ မည်မည်ရရမတတ်ပါ။ စက်လဲကျွမ်းကျွမ်းကျင်ကျင်မတတ်။ အချက်အပြုတ်ကလဲလူစဉ်မမှီ။ စားသောက်ဆိုင်လုပ်ရန်ကလဲ ရုပ်ရည်ကလဲမရှိ။ သို့ သော် ထိုအိမ်တွင် ဘိန်းစားများ ကိုချက်ပြုတ်ကျွေးရန် ကျမမီးဖိုဆောင်သို့ ဝင်ခဲ့ရပါသည်။ အလုပ်မရခင်စပ်ကြားဟုပြော၍ ၀င်ခိုင်းခြင်းပါ။ ဘိန်းစားများ ဆိုသည်မှာ အလုပ်ရှာပေးမည်ဆိုသောသူတယောက်သာလျှင် အလုပ်ရှိ၍ သူ့ သူငယ်ချင်းများအားလုံးမှာ သူ့ အားမှီ၍ စားနေကြသောသူများဖြစ်ပါသည်။ အလုပ်လုပ်လျှင်လည်း အိမ်လခရရန် သုံးရက်ခန့် အလုပ်ဆင်း၍ အိပ်နေကြသောဘိန်းစားနေကြသော သူများဖြစ်ပါသည်။ ကျမတခါတရံဘူးမျှမမြင်ဘူးခဲ့သော အဖြစ်အပျက်များကြား ရောက်ရှိလို့ နေရပါသည်။ တနေ့ ကျမကို ပို့ ပေးသောပွဲစား ပြန်ရောက်လာပါသည်။ ကျမကို သူနှင့်အတူတကွနေပါ။ သူအားလုံးတာဝန်ယူပါသည်။ သူက ထိုင်းနှင့်မလေးရှားသို့ လူပွဲစားဖြစ်ပါသည်။ ထိုင်းတွင်လည်း ထိုင်းမတယောက်ကို အတူတကွနေထိုင်ပါသည်။ ကျမကိုတော့ မလေးရှားတွင်သူနှင့်အတူနေရန်အတွက်ပါတဲ့။ ကျမနေသောအိမ်တွင် အိမ်ခန်းငှားခများပေးပြီး သူထိုင်းသို့ ပြန်သွားပါသည်။ ကျမကို ထိုအိမ်ရှိ ဘိန်းစားများက သူတာဝန်ယူပါမည် ငါတာဝန်ယူပါမည် နှင့် ဘိန်းရှုသောအခန်းတွင်လုနေကြသည်ဟု တဆင့်ပြန်ကြားမိသောအခါ ကျမကျောချမ်းနေရပါသည်။ ထိုအချိန်တွင်ပင် အလုပ်ရှာပေးမည့်သူက ကျမအားအလုပ်ရှာပေးရန် အလုပ်ရှိသောနေရာသို့  ခေါ်သွားသော်လည်း အလုပ်အစဉ်မပြေသဖြင့် ထိုအိမ်၌ ပင်ပြန်နေရပြန်ပါသည်။ ကျမဟင်းချက်နေရပါသည်။ ဟင်းချက်သည်ဆိုသည်မှာလည်း အထူးအထွေမဟုတ်ပါ။ ကြက်ဥဟင်း၊ ကြက်ဥကြော်၊ ပဲနီလေးဟင်း၊ ပဲဟင်း များသာလည်နေပါသည်။ သူတို့ အားလုံးကို ထိုဟင်းများမှသာတတ်နိုင်ပါမည်။ တခါတရံတွင် ထမင်းမစားရသောနေ့ ပင်ရှိပါသည်။ ကျမတော်တော်ကိုစိတ်ကုန်နေမိပါသည်။မလေးရှားလာမိသည်မှာမှားပြီဟုပင်ကောက်ချက်ချနေမိပါသည်။ ကျမရောက်ပြီး နှစ်ဆယ့်နှစ်ရက်မြောက်နေ့ တွင် ပဲကုလားဟင်းထဲ ဆီသတ်အိုးကို ထည့်ရန် မလိုက်စဉ် ခြေထောက်ပေါ်သို့ ဆီပူများအကုန်ကျကုန်ပါသည်။ ကျမလဲစီးထားသော ဖိနပ်ကို ချွတ်ပစ်လိုက်ရာ အရည်ပြားပင်ပါသွားပြီး အဖြူထည်အတိုင်းကျန်ခဲ့ပါသည်။ ကျမဆီပူလောင်နေပါသည်။ အလုပ်လုပ်ဘို့ မဆိုထားနှင့် လမ်းတောင်မလျှောက်နိုင်တော့ပါ။ ကျမကံကြမ္မာဆိုးလေစွ။ ဆေးခန်းပြဘို့ နေနေသာသာ ဆေးပြာပင်ဝယ်ရန်ပိုက်ဆံမရှိခဲ့ပါ။ ကျမထိုအတိုင်းပင်နေခဲ့ပါသည်။ ကျမအနာမှာ နှစ်လခန့် ကြာခဲ့ပါသည်။ အဘယ့်ကြောင့်ဆိုသော် သူတို့ ဘိန်းစားနေစဉ် ဘိန်းငွေ့ တွေက ကျမအနာသို့ ဝင်ခဲ့ပါသည်။ ရက်နဲနဲကြာလာသော် သူတို့ ဘိန်းရှုချိန်ရောက်လျှင် ကျမအနာကကိုက်လာပါသည်။ သူလဲ ဘိန်းငွေ့ ကိုရှုဘို့ တောင်းနေခြင်းပါ။ ဘိန်းငွေ့ လဲရရော ကိုက်တာလဲပြောက်သွားပါသည်။ တရက်နှစ်ရက်ခန့် သတိမထားမိပါ။ သုံးရက်မြောက်နေ့ တွင် သတိထားမိလိုက်ပါပြီ။ ကျမ ကို အိမ်ပြောင်းပေးပါရန် တောင်းဆိုမိပါသည်။ ကျမကို အလုပ်ရှာပေးမည့်သူက သူ့ သူငယ်ချင်းအိမ်တွင် အခန်းသွားငှားပေးပါသည်။ အကြွေးနှင့်ပါ။ ထိုအိမ်မှာနေသောသူများက အလုပ်ကိုကောင်းမွန်စွာလုပ်ပြီး မိဘများဆီသို့  ပိုက်ဆံပို့ နေသောသူများဖြစ်ပါသည်။ ကျမကိုလဲဂရုစိုက်ကြပါသည်။ ကျမထိုအိမ်တွင်သုံးလခန့် နေပြီးနောက်အလုပ်ရရာနေရာသို့ ပြောင်းရွေ့ နေထိုင်ခဲ့ပါသည်။ ကျမကို ပို့ သောပွဲစားကတော့ပေါ်မလာတော့ပါ။ ကျမကိုအလုပ်ရှာပေးမည့်သူကတော့ အမြဲတမ်းလာပါသည်။
ကျမကိုအမတယောက်ကဲ့သို့  လာရောက်စောင့်ရှောက်ပေးခြင်းဖြစ်ပါသည်တဲ့။ ကျမထိုစက်ရုံ၌ အလုပ်လုပ်နေရင်း ချာတိတ်လေးတယောက်နှင့် ရင်းနှီးခြင်း တခုစတင်ဖြစ်ခဲ့ပါသည်။ ကျမတို့ ၏ရိုးရိုးသားသားရင်းနှီးခြင်းကို  အလုပ်ရှာပေးမည့်ပွဲစားကရေးကြီးခွင်ကျယ်လုပ်၍ ရောက်လာကာ ချာတိတ်ကလေးကို ကြိမ်းမောင်းပြီး ဒီစက်ရုံတွင်အလုပ်ဆက်မလုပ်ရန် မောင်းထုတ်လိုက်ပါသည်။ ချာတိတ်ကလေး တခြားနေရာတနေရာသို့ ပြောင်းသွားပါသည်။ ကျမကိုတော့ဖုန်းဆက်ပါသည်။ ကျမအလုပ်ပိတ်လျှင် ချာတိတ်ကလေးထံသို့ သွားတတ်ပါသည်။ တရက်ချာတိတ်ကလေး ထံသွားစဉ် နောက်ကျသွားပါသည်။ တော်တော်မိုးချုပ်မှ စက်ရုံသို့ ပြန်ရောက်လာသောကျမကို ပွဲစားက သူ့ စောင့်နေသည်မှာကြာလှပြီး ချာတိတ်ကလေး၏ အလုပ်သို့ ပင်ရောက်ခဲ့ကြောင်းပြောပါသည်။ နောက်ထပ်ထပ်သွားလျှင်ချာတိတ်ကို သတ်ပစ်မည်ဟုပင်ခြိမ်းခြောက်လာပါသည်။ ကျမကိုလည်း သူကြိုက်နေကြောင်း ပြောပါသည်။ ကျမကတော့ သူ့ စကားများကို အရေးတယူမလုပ်ခဲ့ပါ။ သွားမြဲသွားဖြစ်ခဲ့သည်။ တနေ့  ညနေခြောက်နာရီခန့် တွင် ချာတိတ်ကလေး၏ စက်ရုံမှ ဖုန်းဆက်လာပါသည်။ ချာတိတ် ဒါးထိုးခံရလို့ ဆေးရုံရောက်နေပါသည်တဲ့။ ညနေ သုံးနာရီ Tea Time အချိန်တွင် လူနှစ်ယောက်လာတွေ့ ပါသည်တဲ့။ ပြီးတော့ လည်ပင်းတွင် နှစ်ချက် လည်မြိုတွင်တချက်ထိုးသွားရာ သွေးများအလွန်ထွက်နေပါသည်တဲ့။ကျမတော်တော်တုန်လှုပ်သွားပါသည်။  မနက်မိုးလင်းစအချိန်တွင် ဖုန်းဆက်ကြည့်ရာ ချာတိတ်သေပါပြီတဲ့။ ကျမဆေးရုံသို့ လိုက်သွားကြည့်ခဲ့ပါသည်။ ကျမဘာဆိုဘာမှမတတ်နိုင်ခဲ့ပါ။ ကျမကြောင့် ချာတိတ်ကလေးဒုက္ခရောက်သွားခဲ့ပါပြီ။ ကျမဆီသို့ ပွဲစားရောက်လာပြီး နောက်ထပ်တနေရာတွင် အလုပ်သွင်းပေးခဲ့ပါသည်။ ချာတိတ်ကိစ္စအတွက် ကျမကိုပါ ခြေရာဖြောက်ခြင်းဖြစ်ပါသည်။ ကျမ ကိုလဲခြိမ်းခြောက်ပါသည်။ နောက်တခါထို အဖြစ်အပျက်မျိုးဖြစ်ခဲ့ရင် ကျမကိုသတ်ပါမည်တဲ့။ ကျမသူ့ လက်ကလွတ်ရန် မြန်မာပြည်ပြန်ရုံကလွဲလို့ တခြားနည်းမရှိတော့ပါ။ ထို့ အတွက်ကြောင့် ကျမမြန်မာပြည်ပြန်ပါတော့မည်။ 


ထို အကြောင်းအရာများသည် ကာယကံရှင်ကိုယ်တိုင် မြန်မာပြည်မပြန်ခင် ကျမဆီမှ အကူအညီတောင်းခံရင်း ပြောပြသွားသောဖြစ်ရပ်မှန် ဇါတ်လမ်းလေးကို ပြန်လည်တင်ပြခဲ့ခြင်းဖြစ်ပါသည်။ ထိုအမျိုးသမီး မှာ မျက်ရည်ဖြိုင်ဖြိုင်ကျရင်း ရင်တွင်းခံစားချက်များကို ပြောပြပြီး ကျမချိတ်ပေးသောပွဲစား နှင့် နောက်ရက်တွင် မြန်မာပြည်သို့ ပြန်သွားပါတော့သည်။


တစ္ဆေခြောက်ခံရခြင်း

ကျမအိမ်ထောင်ကျသောအခါ ကျမအဒေါ် ဖေဖေ့အကို၏မိန်းမ က မင်္ဂလာ ကိစ္စများကို လိုက်ပါဆောင်ရွက်ပေးပါသည်။ ကျမဖေဖေက ၀န်ထမ်း ဖြစ်၍ ထားဝယ်တွင် တာဝန်ကျနေပြီး မေမေက မော်လမြိုင် ရေပေါ်ဈေးထဲတွင် လ္ဘက်ရည်ဆိုင်ဖွင့်ထားပါသည်။ ကျမဖေဖေနှင့်မေမေ က ပိုက်ဆံသာပေး၍ လစ်လျှူ ရှုထားခဲ့ပါသည်။ သို့ သော် ကျမအတွက်မေမေက တလလျှင် လခ သဘောမျိုးပေးပါသည်။ ကျမအမျိုးသား က သူ့ သူငယ်ချင်း ရထားသောလိုင်းခန်းတွင် နေထိုင်ရန် အစစအရာရာ စီစဉ်ထားပြီးသား ဖြစ်ပါသည်။ ထိုသို့ နှင့် ကျမ ကိုယ်ဝန်ရရှိခဲ့ပါသည်။ ကျမကိုယ်ဝန်ရထားမှန်းသိသော မေမေက စားစရိတ်အပြင် ဆေးခန်းသွားပြဘို့ အတွက်ပါ ထောက်ပံ့ပေးခဲ့ပါသည်။ ကျမမွေးဖွားရန်အတွက် မေမေရှိရာမော်လမြိုင်သို့  သွားရောက်ခဲ့ပါသည်။ ကျမသွားသောနေ့ က စနေနေ့ ဖြစ်ပါသည်။ မော်လမြိုင် သို့ ရောက်သောအခါ မေမေက ဖေဖေရှိရာ ထားဝယ်သို့  သွားနေသောကြောင့် ဆိုင်က အလုပ်သမား များက အိမ်သော့ပေး၍ နေစေခဲ့ပါသည်။ တနင်္ဂနွေနေ့  နံနက် နှစ်နာရီခွဲ ခန့် တွင် ကျမ ခါးထဲမှ မျက်ကနဲ ခံစားလိုက်ရပါသည်။  သို့ သော် ကျမပြန် အိပ်ဘို့ ကြိုးစားပါသည်။ ဘယ်လိုမှ အိပ်လို့ မရတော့ပါ။ ခါးထဲမှ တော်တော်ကို ကိုက်ခဲနေပါသည်။ ကျမအမျိုးသား က ရုံးကခွင့်ယူ၍ လိုက်ပို့ ပြီး ပြန်ရန်ဖြစ်ပါသည်။ ထိုသို့ ဝေဒနာကို ခံစားနေရသောကြောင့် အမျိုးသားက နံနက် ငါးနာရီတွင် မော်လမြိုင်မြို့ ရှိ ပေါ်ပြူလာသားဖွားအထူးကု ဆးခန်း သို့ ပို့ ပေးခဲ့ပါသည်။ သူလဲအတူတူ ကျမနှင့် ရှိနေပါသည်။ ကျမတို့ ၏ သားဦးလေး ကို နံနက် ခြောက်နာရီ ဆယ့်ခုနစ်မိနစ်တွင် အောင်မြင်စွာမွေးဖွားခဲ့ပါသည်။ ဆေးခန်းတွင် အခန်းပေးထားပါသည်။ အခန်းထဲတွင် ကုတင်နှစ်လုံးထည့်ထားပြီး အလည်တွင်စားပွဲတလုံးရှိပါသည်။ အခန်းပေါက် ကိုတော့လိုက်ကာနှင့်ကာထားပါသည်။ တံခါးမရှိပါ။ ကျမနှင့် သား က ကုတင်တလုံး ကျမအမျိုးသားက ကုတင်တလုံး နှင့်အခန်းထဲတွင် အဆင်ပြေစွာ နေထိုင်နိုင်ပါသည်။ စားရေးသောက်ရေးကိုတော့ ဆိုင်က ချက်ပြီး လာပို့ ပါသည်။ ထိုသို့ နှင့် သုံးရက်မြောက်သောညတွင်ဖြစ်ပါသည်။ ကျမ ဖြတ်ကနဲ နိုးလာသောကြောင့် မျက်စိဖွင့်ကြည့်လိုက်ရာ အခန်းဝမှ ဆံပင်ရှည်ကိုဖားလျှားချထားသော ကိုယ်ဝန်နှင့်အမျိုးသမီး လိုက်ကာကို မ၍ ၀င်လာသည်ကို အတိုင်းသားမြင်နေရပါသည်။ မျက်နှာကိုတော့မမြင်ရပါ။ ကျမရင်တွေတဒိန်းဒိန်းခုန်နေသည်ကို ပြန်ကြားနေရပြီး ကြောင်၍ ကြည့်နေမိ ပါသည်။ ပြီးတော့မှ ကျမအမျိုးသားကို သတိရသွားသောကြောင့် အမျိုးသား၏အမည်ကို အော်ခေါ်မိပါသည်။ သို့ သော် အသံလုံးဝမထွက်ပါ။ ကျမကသာ အားယူ၍အော်နေသော်လည်း ဘာသံမှကိုမထွက်လာပါ။ ထိုအမျိုးသမီး  တဖြည်းဖြည်းနှင့် ကုတင်နားရောက်ခါနီးမှ ကြောက်လွန်း၍ အသားကုန်အော်လိုက်မိပါသည်။ ထိုအချိန်တွင်မှ အသံထွက်သွားပြီး ကျမအမျိုးသားက ဘာဖြစ်တာလဲ ဘာဖြစ်တာလဲ ဟုအလန့် တကြားနှင့်ထလာပါသည်။ ကျမဘေးဘီကို ပြန်ကြည့်လိုက်သောအခါ ထို အမျိုးသမီး ၏ အရိပ်အယောင်ကို လုံးဝမမြင်ရတော့ပါ။ ကျမလဲဘာမှမပြောဆိုနိုင်တော့ပါ။ တော်တော်ကို ဆို့ နင့်နေပါသည်။ ကျမအမျိုးသားက ရေကို မန်းပြီး တိုက်ပါသည်။ ကျမအမျိုးသားကို ဟိုဘက်ကုတင်မသွားပါနဲ့  ကျမနားမှာ နေရန်သာခေါ်ထားမိပါသည်။
မနက်မိုးလင်းမှ အကြောင်းစုံကို ရှင်းပြပြီး ပြန်လည်သုံးသပ်ကြည့်လိုက်ရာ ကျမ တစ္ဆေခြောက်ခံလိုက်ရခြင်းဖြစ်ပါသည်။ ထို အဖြစ်အပျက်ကို  ယခုပြန်လည်ရေးသားနေသောအချိန်တွင်ပင် ကျမထိုနေ့  ထိုအချိန်သို့ပြန်ရောက်နေသည့် အတိုင်းပင် မြင်ယောင်နေမိပါတော့သည်။

Friday, March 1, 2013

၂၀၁၃ ထမနဲပွဲ(Rensselaer in USA)



ကိုနန်းရှင်(ခ) ကိုဇင် http://www.myshmm.com/