Monday, March 31, 2014

ခေါင်းပုံဖြတ် အနိုင်ကျင့်ခံနေရသော အမေရိကရောက် မြန်မာဆူရှီသမားများ

ခေါင်းပုံဖြတ် အနိုင်ကျင့်ခံနေရသော အမေရိကရောက် မြန်မာဆူရှီသမားများ ထက်ရာဇာ

March 29, 2014 at 4:53am


အမေရိကရောက်လာသော မြန်မာများထဲတွင် အတော်များများက ဆူရှီလိပ်ကြသည်ဟု ပြောလျှင် မှားမည်ဟုမထင်။တချို့က ဆူရှီဆိုင်ပိုင်ရှင်ဘ၀နှင့်လိပ်သည် တချို့က အလုပ်ရှင်ဆီမှာ အလုပ်သမားအနေနှင့်လိပ်သည်။တချို့က ကုန်ပဏီမှာ အော်ပရေးရှင်းရှပ်ဖ်လို့ခေါ်သည့် ပြည်နယ်ပေါင်းစုံလျှောက်သွားနေရသည့် ကုန်ပဏီရှပ်ဖ်ဘ၀နှင့်လိပ်သည်။မည်သို့ပင်ဆိုစေကာမူ အားလုံးကတော့ ဆူရှီလောသားများပင်ဖြစ်သည်။သေချာသည်ကတော့ အမေရိကမှာရှိသည့် ဆူရှီဆိုင်၁၀ဆိုင်ကြည့်လျှင် ၉ဆိုင်လောက်ကတော့ မြန်မာနိုင်ငံသားများပိုင်ဆိုင်သည့် ဆူရှီဆိုင်များကိုသာ တွေ့ရမည်ဖြစ်သည်။ဆိုင်ရှင်ကလည်း မြန်မာပြည်သား အလုပ်သမားကလဲ မြန်မာပြည်သား အများအမြင်နှင့်ကြည့်လျှင်တော့ ကိုယ့်လူမျိုးခြင်းခြင်းဆီမှာ အလုပ်ဝင်လုပ်သည်က သူများနိုင်ငံသားဆီမှာသွားလုပ်ခြင်းထက် ဘာသာစကားကအစ အစားအသောက်အဆုံး ပိုပြီးအဆင်ပြေသည်ဟု အားလုံးက ထင်နိုင်စရာရှိနိုင်ပါသည်။တကယ်လဲ မြန်မာအလုပ်ရှင်နှင့်မြန်မာအလုပ်သမား မိသားစုလို ညီအကိုမောင်နှမတွေလို အလုပ်ရှင် အလုပ်သမား သဘောမထားပဲ ဒိုးတူဘောင်ဖက် အတူရုန်းကန်နေသည့် မြန်မာအများစုကိုလည်း တွေ့ခဲ့ရဖူးပါသည်။သို့သော် အားလုံးကတော့မဟုတ်ချေ။အခုလည်း ကျနော့်အီးမေးလ်ထဲသို့ ပေးစာတစောင်ရောက်ရှိလာခဲ့ပါသည်။အီးမေးလ်ပို့သူက အားလုံးသိစေချင်ပါသည်ဟု ရေးသားထား၍ ကျနော့်ဖေ့စ်ဘွတ်ခ်စာမျက်နှာပေါ်တွင် တင်ဖြစ်ခဲ့ရပါသည်။နောက်ထပ်ဆူရှီလောကရဲ့ အနိုင်ကျင့်မှုများ တရားမျှတမှုမရှိသော လုပ်ရပ်များနှင့် ချစားနေသော အမေရိကရဲ့ ဆူရှီလောကအကြောင်းများကို အလျဉ်းသင့်သလို ရေးသားသွားပါဦးမည်ဖြစ်ပါသည်။(မှတ်ချက်) ပေးစားကို မူရင်းအဓိပ္ပါယ်မပျောက်စေပဲ ကျနော့်စကားပြေနှင့် ဖတ်ရအဆင်ပြေအောင် ပြန်လည်ရေးသားထားပါကြောင်း။

                                                                လေးစားစွာဖြင့်

                                                                 ထက်ရာဇာ(ခေတ္တ)အမေရိက



ကိုထက်ရာဇာခင်ဗျား

ကျနော်လေးစားစွာစာရေးလိုက်ပါတယ်။အကြောင်းကတော့ ကျနော်တို့ဆူရှီသမားတွေ သိထားသင့်တယ်ထင်တာရယ် နောက်အကိုက ဆူရှီလောကမှာ လူတော်တော်များများသိတာရယ်ကြောင့် အကို့အီးမေးလ်ကို လိုက်စုံစမ်းပြီး သူငယ်ချင်းတယောက်ဆီကရလို့ ကျနော် ဒီစာကိုရေးလိုက်တာပါအကို။ဆူရှီသမား အားလုံးသိအောင်လဲ ဖြန့်ဝေပေးပါလို့ ကျနော်အကူအညီတောင်းပါရစေ။အဖြစ်ကဒီလိုပါအကို။

ကျနော်အမေရိကရောက်တာ ၂နှစ်ရှိပါပြီ။ရောက်ကတည်းကဆူရှီလိပ်နေတာပါ။တရက်တော့ ကျနော့်သူငယ်ချင်းတယောက်ရဲ့ ဆက်သွယ်ပေးမှုနဲ့ အမေ၇ိကန်ပြည်ထောင်စု ကန်တာကီပြည်နယ် ရစ်ရ်ှမွန်ဆိုတဲ့မြို့က ဆူရှီစားသောက်ဆိုင်မှာ ဆူရှီလိပ်ဖို့ ကျနော်လာခဲ့ပါတယ်။လစာက ၁လ ဒေါ်လာ ၁၈၀၀ စားစရိတ်နေစရိတ်အပြီး မနက်၁၀နာရီက ည၁၀နာရီလို့ မလာခင်ဖုန်းဆက်ကတည်းကပြောပြီးမှ ကျနော်လာခဲ့တာပါ။ နာမည်နဲ့တကွပြောရရင်တော့ ဆူရှီစားသောက်ဆိုင်နာမည်က KHIN SUSHI ဖြစ်ပြီး မြန်မာပြည်ဖွား တရုပ်လင်မယား၂ယောက်ပိုင်တာပါ။ယောက်ျားဖြစ်သူနာမည်က ကိုထွန်းထွန်းဖြစ်ပြီး မိန်းမနာမည်က ဒေါ်ခင်မိမိပါ။ကျနော်ရောက်ပီး နောက်နေ့မနက်၁၀နာရီကနေအလုပ်စဆင်းပါတယ်။မနက်၁၀နာရီကနေ နေ့လည်၂နာရီကြမှ ထမင်းစားချိန်ကျနော့်ကို နာရီဝက်ပေးနားမယ်လို့ပြောပါတယ်။နာရီဝက်ထက်နောက်ကျရင် တမိနစ်ကို ၁ဒေါ်လာနှုန်းနဲ့ဖြတ်မှာဖြစ်တယ်လို့လဲပြောတဲ့အခါကျနော်လဲဘာမှမပြောခဲ့ပါဘူး။တကယ်တမ်းကျတော့ည၁၀နာရီထိပဲ ပြောခဲ့ပေမယ့် ဆိုင်သိမ်းတာက ၁၀နာရီမှဆိုတော့ သန့်ရှင်းရေးလုပ် ကြမ်းတိုက် အားလုံးပြီးသွားတဲ့အခါ ည၁၁ နာရီထိုးသွားပါပြီ။ကျနော့်ကိုဖုန်းထဲမှာပြောတုန်းက မနက်၁၀နာရီက ည၁၀နာရီအထိပဲ ဆူရှီပဲလိပ်ရမယ် ကျန်တာဘာမှလုပ်စရာမလိုဘူးဆိုလို့ ကျနော်လာခဲ့တာပါ ။ဒါပေမယ့်ကျနော်သည်းခံပြီးဘာမှမပြောခဲ့ပါဘူး။ကျနော့်ကိုထားတဲ့အိမ်နဲ့ အဲဒီစားသောက်ဆိုင်က လမ်းလျောက်ရင် ၁၀မိနစ်ကျော်ဝေးပါတယ်။ကျနော်မနက်လဲကိုယ့်ဖာသာကိုယ် လမ်းလျောက်လာရသလို ပြန်ရင်လဲ ည၁၁နာရီကျော် တယောက်ထဲလမ်းလျောက်ပြန်ရတာပါ။အဲဒီအချိန်အမေရိကမှာ လမ်းလျောက်ပြန်ရင်ဘယ်လောက်အန္ဒာရယ်ကြီးသလဲဆိုတာ အမေရိကမှာ နေကြသူတိုင်းသိပါတယ်။ပိုဆိုးတာက ဒီလောက်နှင်းတွေအရမ်းကျနေတဲ့ကြားထဲမှာ နှင်းတောထဲကို လမ်းလျောက်ပြန်ရတာပါပဲ။နောက်တပတ်လောက်ကြာတဲ့အခါ အိမ်ထဲမှာ ဟီတာ(အပူပေးစက်)ကိုအရမ်းမသုံးဖို့နဲ့ တလကိုမီးဖိုး၅၀ကျော်ရင် မင်းလခထဲက တ၀က်ပေးရမယ်ဆိုတဲ့အခါ ဒီလောက်အေးတဲ့ရာသီမှာ ကျနော်ဟီတာသုံးမိတာ မှားသလားခင်ဗျာ။ကျနော်အလုပ်ပင်ပပန်းတာကိုမမှုပါဘူး။ဒါပေမယ့် မနက်ဆိုင်ကိုရောက်တာနဲ့ သူ့မိန်းမ ခင်မိမိက မြန်မာတွေက ဘယ်လိုသောက်ကျင့်ရုပ်ကြောင်း ဒါကြောင့်ခေတ်အဆက်ဆက် သူများဆီမှာသာ ကျွန်ခံနေရကြောင်း မြန်မာဆိုရင် ကြည့်တောင်မကြည့်ချင်ကြောင်း ခုလဲဆူရှီလုပ်နေရလို့ မြန်မာတွေနဲ့ဆက်ဆံနေရကြောင်း နေ့စဉ်မိုးလင်းက မိုးချုပ်ဆိုင်မသိမ်းခင်ထိ ကျနော်ကြားလာရတာ မခံချင်တာနဲ့ အလုပ်ဝင်ပြီး၁လကျော်အကြာမှာ ကျနော်လဲပြန်မေးမိပါတယ် အမတို့ကရော မြန်မာနိုင်ငံသားမဟုတ်ဘူးလားဆိုတော့ လင်မယား၂ယောက်စလုံး ကျနော့်ကို လက်ညှိုးငေါက်ငေါက်ထိုးပြီး ဟေ့ကောင်လူပါးမ၀နဲ့ ငါတို့က မြန်မာနိုင်ငံသားဆိုပေမယ့်တရုပ်ကွ မြန်မာဖြစ်ရင် ကျွန်ဖြစ်နေဦးမယ် တရုပ်ထဲမှာကျွန်မရှိဘူး သခင်ပဲရှိတယ်လို့ ကျနော့်ကိုဝိုင်းပြောကြတယ်အကို။အကိုစဉ်းစားကြည့်ပါ အမေရိကမှာ တလကို ဒေါ်လာ၁၈၀၀ နဲ့ တနေ့ကို ၁၃နာရီခိုင်းပြီး ဒီလောက်အေးတဲ့ရာသီမှာ အပူစက်ဖွင့်ရင် မီတာခတ၀က်ပေးရမယ်ဆိုတာ ဒီအထိကျနော်ခံနိုင်ပါတယ် နေ့စဉ်နဲ့အမျှ စောက်မြန်မာတွေက စောက်မြန်မာတွေကလို့ ပြောနေတာကတော့ ကျနော်ဘယ်လိုမှ သည်းမခံနိုင်ပါဘူးအကို ။ဒါကြောင့်ကျနော်၂လပြည့်တဲ့အချိန်မှာ အလုပ်ကထွက်ခဲ့ပါတယ်။ဒါဟာကျနော်ကိုယ်တိုင်ခံစားခဲ့ရတဲ့ဖြစ်ရပ်တွေပါ။ကျနော်ခံစားရသလို တခြားဆူရှီသမားတွေခံစားရမှာစိုးလို့ ကျနော့်စာကို အများသိအောင် ဖြန့်ပေးပါလို့ ကျနော်အကူအညီတောင်းတာပါ အကို။

လေးစားစွာဖြင့်

KHIN SUSHI တွင်လုပ်ခဲ့ဖူးတဲ့ မြန်မာဆူရှီသမားတဦး



Sunday, March 9, 2014

မောင်ဖတ်ဖို့


မောင်ပြောတော့ သူက အပျော်ရည်းစားတဲ့လား....
ဟင့်အင်း မောင် ကျမ လက်ခံလို့မရဘူး......
အပျော်ချစ်ခံခဲ့ရတဲ့ သူက တကယ်ချစ်မိခဲ့ရင် မိန်းကလေးမို့ သူပဲ နစ်နာရမယ်....
အပျော်သဘောထားတဲ့မောင်ကရည်းစားများတယ်လို့ ပတ်ဝန်းကျင်မှာ အမြင် မှားရမယ်.....
မောင့်ချစ်သူ ကျမကတော့ဖောက်ပြန်မှုတွေနဲ့ချစ်သူကို နားလည်ပေးဖို့ နာကျင်ရမယ်.....
မောင် သာယာတဲ့ တဒင်္ဂ အပျော်ဆိုတာကကျမတို့ဘ၀မှာ ဆိုးရွားတဲ့ပုံရိပ်စစ် တစ်ခုဖြစ်စေနိုင်တယ်လေ....
မောင့်ကို လက်လွှတ်မပေးနိုင်တဲ့ ကျမလည်း စိတ်မချခြင်းတွေနဲ့ လည်ပင်းဖက်ပေါင်းရလို့
အကြိမ်ကြိမ် အခါခါ သံသယတွေနဲ့ ကြီးပြင်းရလိမ့်မယ်.....
သစ္စာမဲ့ခြင်းတွေနဲ့ကင်ပွန်းတပ်ထားလို့မောင်လည်း ပြီးပြည့်စုံတဲ့အချစ်တစ်ခုကိုဖန်တီးဖို့နောင်တတွေနဲ့ရင်းနှီးရလိမ့်မယ်.....
သူကလည်းအပျော်တမ်းကစားခြင်း တွေနဲ့ဆုံစည်းခဲ့လို့မောင့်အပေါ်အမုန်းမှတ်တမ်းတွေပဲ ရေးထိုးရလိမ့်မယ်....
ကဲ...မောင်ပြောတဲ့အပျော်ဆိုတာဘယ်သူတွေကများ ပျော်ခဲ့ရလို့လဲဘယ်လိုအရာတွေများအကျိုးရှိသွားစေလို့လဲမောင်ရယ်....


အဝေးမှာနေရင်း လွမ်းနေရမယ့်အဖြစ် ကျမလဲ ဘယ်နေချင်ပါ့မလဲ
ဖြစ်နိုင်ရင် ကျမလဲမောင့်အနားမှာနေလို့ အမြဲချစ်ချင်တာပေါ့ရှင်
အမြဲမတွေ့ ရလို့ ဖုန်းလေးဆက်ပြီး အလွမ်းဖြေနေရတဲ့ဘဝကျမလဲ ဘယ်ပျော်ပါ့မလဲမောင်
ဖြစ်နိုင်ရင် မောင်နဲ့ မျက်နှာချင်းဆိုင်ပြီးတစ်နေ့ တာဖြစ်ခဲ့သမျှ အတူဝေမျှချင်တာပေါ့ရှင်
နှစ်ပတ်လည်နေ့  Valentine နေ့ တွေမှာ တစ်ယောက်တည်း အထီးကျန်စွာ ဘယ်နေချင်ပါ့မလဲမောင်
ဖြစ်နိုင်ရင် မောင်နဲ့ လက်တွဲ နေရာအနှံ့ လျှောက်လည်ချင်တာပေါ့ရှင်
အခုတော့ အနေဝေးနေတဲ့ မောင်နဲ့ ကျမ အလွမ်းတွေနဲ့ ပဲ နီးရမယ့်ရက်
မျှော်လင့်ချက်တွေနဲ့ စောင့်ဆိုင်းနေရတာ များခဲ့ပါပေါ့ မောင်
ပစ်ထားတတ်တဲ့သူကိုမှစွဲလမ်းစွာချစ်မိတော့လည်းမျှော်နေတတ်တဲ့အကျင့်အရိုးစွဲလာတာမဆန်းကြယ်တော့ပါ... 

လူတယောက်အပေါ်သစ္စာရှိဖို့ဆိုတာ အတော်စဉ်းစားရကြပ်တဲ့ အရာတခုဆိုရင်
ကျမကတော့ မောင်မရှိတော့တဲ့နောက် အဲဒီလူပြောများတဲ့သစ္စာတရားကို လက်ကိုင်ထားမိဆဲပါပဲ
ပန်းတပွင့်အနားလိပ်ပြာတွေလာဝဲတာမဆန်းပါဘူး ဒါပေမဲ့ အဲပန်းပွင့်က လာဝဲသမျှ
လိပ်ပြာတိုင်းကို ငြင်းဆန်မိတာ ဆန်းတယ် ဒါပေမဲ့ ကျမအတွက်တော့မဆန်းပါဘူးကျမသာပန်းတပွင့်ဆိုရင်လည်း မောင်ဆိုတဲ့လိပ်ပြာလေးကိုပဲအလိုရှိလို့ပါ


ကျမတို့တွေ ချစ်သူတွေမဟုတ်တော့ဘူးမောင်ကကျမကို မချစ်တော့ပါဘူးတဲ့
မင်းလဲငါ့ကိုမချစ်ပါနဲ့တော့တဲ့
သိပ်ရယ်ရတာပဲမောင်ရယ်  မောင်မချစ်ရင် မချစ်နဲ့တော့ပေါ့
ကျမဘက်က အချစ်တွေ လာမတားနဲ့လေ
အချစ် ဆိုတဲ့အရာက ဖြတ်တောက်တားဆီးလို့ရရိုးဆို
ကျမ ဘ၀မှာ မောင်ဆိုတာ ရောက်လာစရာကို မရှိဘူးလေ
အချစ်ဆိုတာ ဖြတ်တောက်လို့မရလို့   မောင်တောင် ကျမချစ်သူဖြစ်လာသေးတာပဲ
ဘ၀ မ မေ့ နဲ့ပေါ့ မောင် ရယ်
. . .M$. . .

  
အချစ်ဆိုတာကိုမယုံကြည်တော့တဲ့နောက်သစ္စာဆိုတာရေပေါ်ဆီဖြစ်လာပြီးစည်းဆိုတာစောင့်စည်းမှုမရှိတတ်တော့ဖူး
ဒီလိုလူတွေများလာတဲ့လောကမှာအချစ်ကိုယုံကြည်တဲ့သူတွေကခါးသီးစွာခံစားကြရတယ်
သစ္စာရှိတဲ့သူတွေကနာကျင်စွာကျန်ရစ်ကြရတယ်စည်းစောင့်တဲ့သူတွေကမျက်ရည်ကိုအဖော်ပြုနေကြရတယ်

အမုန်းတိမ်တိုက်လေး

*****ဆု***** 
 မောင်ဖတ်ဖို့