Friday, May 10, 2013

မွန်မြတ်သောအလှုနှင့်တိုင်တည်ခြင်း

2009ခုနှစ် ဇွန်လ မဲဆောက်မြို့ အဖွဲ့ အစည်းတခုမှ သွေးလိုနေလို့ သွေးလှုမည့်သူ များရှိပါသလား လိုအပ်နေလို့ ပါ ဟုအဖွဲ့ အစည်းတခုမှ တခုသို့ ချိတ်ဆက်၍ သွေးလှုရှင်ရှာနေသောအချိန်တွင် ကျမသည်လည်း ခင်ပွန်းဖြစ်သူနှင့်အတူ ရုံးခန်းတခုတွင်ရှိနေသောအချိန်ဖြစ်ပါသည်။ ထိုသို့ နှင့် ကျမရယ် ကျမအမျိုးသားရယ် ပြီးတော့ နောက်ထပ် လေးယောက်နှင့်အတူ မဲဆောက်ဆေးရုံကြီး သို့  သွေးလှုရန်အတွက် ချီတက်ခဲ့ကြပါသည်။ ကျမကတော့ အဖေါ်လိုက်ပါ လာခြင်းပါ။ တက်ကြွစွာ လျှောက်လှမ်းလာသောခြေလှမ်းတိုင်းတွင် အလှုတခု အတွက်ေ ကျနပ်ခြင်းတွေနှင့်ပါ။ သို့ နှင့်ဆေးရုံရောက်သောအခါ လူနာရှင်က လာစောင့်နေပြီး သွေး လေး ပုလင်း လိုကြောင်း သွေးလှု မည့်သူ များအား သွေးစစ် ရန်စောင့်နေကြကြောင်းတို့ ကို သိရှိ လိုက် ရပါ သည်။ သွေးလှု မည့် လေးယောက် ကိုသွေး စစ်သော အခါ တယောက်က ငှက်ဖျားဖြစ်ထား သည်မှာ တနှစ်မပြည့်သေးလို့ လှုလို့ မရပါတဲ့။ နောက်တယောက်က သွေးတိုးနေလို့ လှုလို့ မရပါတဲ့။ နှစ်ယောက် ကတော့အစဉ်ပြေသွားပါပြီ ။ သို့ သော် သွေးလို သည်က  လေးပုလင်းမို့  ကျမတို့ ဇနီးမောင်နှံသွေးစစ် ကြည့်ကြပါသည်။ လှုလို့ ရလျှင်လှုပါမည်။ ကံကောင်းထောက်မစွာနှင့် နှစ်ယောက်စလုံး လှုလို့ ရပါပြီ။ ကျမတခါမှသွေးမလှုခဲ့ဘူးပါ။ ကျမထိုအလှုအတွက် အလွန်တရာပျော်သည့်အပြင် ကျမတို့ ဇနီးမောင်နှံ မွန်မြတ်သောအလှုတခုကို အတူတကွ လှုဒါန်းရခြင်းကြောင့်လည်း ပို၍ ကျေနပ်ပိတိဖြစ်ခဲ့ ရပါသည်။ သွေးလှုသောအခါတွင်လည်း တယောက်လက်ကိုတယောက်ကိုင်၍ ကျေနပ်ခြင်းအပြည့် ကြည်နူးခြင်းအပြည့်တို့ ဖြင့်လှုဒါန်းခဲ့ကြပါသည်။ ကျမအတွက်တော့အလွန်တရာကို မွန်မြတ်သော အလှုအပြင် တသက်စာမေ့မရသော ပထမဦးဆုံးအကြိမ် မိမိကိုယ်မှဖြစ်တည်လာသော သွေးကို လှုဒါန်းခြင်းပါ။
ကမ့်ထဲမှာရှိသော ဆေးရုံကသွေးလှုလိုသူများလာရောက်လူဒါန်းနိုင်ကြောင်း အုန်းဖြန် ဆေးရုံကြီးမှ  လာရောက် အလှုခံကြောင်း ကို လော်စပီကာနှင့်အော်ပါသည်။ ကျမ၏ ဒုတိယအကြိမ်မြောက်လှုဒါန်းခြင်းပါ။ နောက်တခါ ကတော့ အရေးပေါ်သွေး လိုအပ်နေ ပါသောကြောင့် လာရောက်လှုဒါန်းကြပါရန်အော်ပြန်ပါသည်။ ကျမ အပြေးအလွှား ပင်သွားရောက်ခဲ့ပါသည်။ လူနာက ငှက်ဖျားတက်နေခြင်းကြောင့်သွေးလို အပ်နေ ပါသည်။ ချက်ခြင်းထုတ် ချက်ခြင်းသွင်းမည်ဖြစ်သောကြောင့် လှုရန်လာသောလူ များကို သွေးစစ်ခြင်း ငှက်ဖျားပိုးစစ်ခြင်း အိပ်ခ်ျအိုင်ဗွီ ပိုးစစ်ဆေးခြင်းတို့ ကို ပြုလုပ်ပါသည်။ ကျမတို့ ကိုလဲမေးပါသေးသည်။ သွေးလှုခြင်းသည် ဘာကိုမျှော်လင့်ပြီးလှုဒါန်းပါသလဲတဲ့ ။ ကျမက လူနာအား ပြန်လည်အင်အားပြည့် ၍ကောင်းမွန်စေရန် သာရည်ရွယ်ပါသည်လို့ ။ လူနာအားသိလို့ လှုခြင်းလားတဲ့။ မသိပါ။ ထိုသို့ အဆင့်ဆင့်စစ်ဆေးပြီး အဖြေများရရှိရန်ကို လေးနာရီလောက်ဆေးရုံမှာ ထိုင်စောင့်နေရပါသည်။ ကျမသွေးလှုခွင့်ရရှိခဲ့ပြန်ပါသည်။ ကျမ သွေးလှုနေစဉ်တွင်ပင် ပိတိတမျိုးခံစားရပါသည်။ ဒိအကြိမ်လှုဒါန်းခြင်းသည် လူနာအား တိုက်ရိုက်သွင်းပေးမည်ဖြစ်သောကြောင့် ပါ။ ထိုသို့ နှင့် သွေးအိတ်ပြည့်သွားပြီး ကျမ ခဏနား နေခိုင်းပါသည်။ ကျမ ရဲ့ သွေးကို တော့ လူနာအားသွင်းပေးနေပါပြီ။ ကျမလှုဒါန်းထားသော  သွေး လူနာ၏ ခန္ဒာကိုယ်ထဲသို့  တစက်စီ ဝင်နေခြင်းကို ကြည့်ပြီး ကျမခံစားခဲ့ရတဲ့ ပိတိက ဘယ်လိုမှကို ပြန်မပြောပြတတ်အောင်ပါ။ လူနာကိုလဲ မေးကြည့် မိပါသည်။ နေကောင်းလား လို့ ဆိုတော့ သွေးသွင်းလိုက်တော့ နေကောင်း လာပါသည်တဲ့။ ကျမရဲ့ မမေ့နိုင်စရာ မွန်မြတ်သောအလှု သုံးကြိမ်မြောက်ပါ။ စတုတ္ထအကြိမ် ကတော့ ဒုတိယ အကြိမ်ကကဲ့သို့ ပင် အုန်းဖြန်ဆေးရုံမှ လာရောက်အလှုခံခြင်းအား လှုဒါန်းခဲ့ပါသည်။ ကျမ၏ လေးကြိမ်မြောက် မွန်မြတ်သောအလှုဒါနကို ကျမနဲ့ ထပ်တူ ကုသိုလ်ယူနိုင်ကြပါစေရန်နှင့် ကျမ၏ အလှုအား ပြန်လည်အောက်မေ့ သတိရရန်ရေးသားလိုက်ရခြင်းဖြစ်ပါသည်။ ကျေးဇူးတင်စွာဖြင့်.............
ထိုမှန်သောသစ္စာစကားကြောင့်ကျမနှင့်ဝေးနေသောကျမအမျိုးသားအမြန်ပြန်လည်နီးစပ်နိုင်ပါစေ